Икенче чакырылыш Казан Яшьләр парламентына кандидатлар өчен онлайн-тавыш бирү башланды

РФ Дәүләт хезмәтләре порталында авторизацияләнгән теләгән һәркем үз тавышын калдыра ала.

Фото: Балалар һәм яшьләр эшләре комитеты

(Казан шәһәре KZN.RU, 13 нче декабрь). Бүген Татарстан башкаласы Мэриясенең рәсми порталында Казан шәһәр Думасы каршындагы Яшьләр парламентына кандидатлар өчен онлайн-тавыш бирү башланды. Сайлап алынган катнашучыларга, яшенә карамастан, теләгән һәркем тавыш бирә ала, моның өчен РФ дәүләт хезмәтләре порталында авторизацияләнгән булу кирәк, дип хәбәр иттеләр Казан Башкарма комитетының Балалар һәм яшьләр эшләре комитетында. Тавыш бирү 25 нче декабрьгә кадәр дәвам итәчәк.

Халык сайлаган кандидатларга яшьләр мәнфәгатьләрен якларга, аларның яшәү шартларын яхшыртырга, яшьләр сәясәте буенча закон чыгару инициативаларын тәкъдим итәргә туры киләчәк.

Искәртеп узабыз, 21 нче октябрьдә Яшьләр парламентына яңа чакырылышка кандидатлардан гаризалар кабул итү башланды, ә 5-6 нчы декабрьдә Яшьләр парламенты командасында булачак «депутатлар» гамәлгә ашырырга планлаштыра торган проектлар һәм инициативалар тәкъдир ителде. Сайлап алу нәтиҗәләре буенча тавыш бирүгә 59 кешедән 45 кандидат үтте. Казан Яшьләр парламентының икенче чакырылышына Казан шәһәр Думасы тарафыннан расланачак 25 кеше керәчәк.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар