Оренбург трактында, Павлюхин урамында һәм Ямашев проспектында җир өсте кичүләрендәге лифтларны алыштыра башладылар

Чистай урамы белән Ф.Әмирхан проспекты киселешендә, шулай ук Сахаров урамында бригадалар иске күтәргечләрне сүтәләр

Фото: тышкы төзекләндерү комитеты

Казанның алты җир өсте кичүендә быел 13 лифт урнаштырылачак. Җайланмаларны алыштыру буенча эшләр берничә урында инде башланган.

Тема буенча материаллар:

Быел Казанда 182 күпфатирлы йорт капиталь ремонтланачак

Оренбург трактындагы Республика клиник хастаханәсе янында шахтаның өске өлеше каркасы өчен түшәмә әзерләнә, шуннан соң аны бетон белән тутырачаклар. Аңа кадәр объектта иске конструкцияләрне һәм нигезләрне сүткәннәр, субайлар урнаштырганнар, булачак шахталарның аскы өлешен ике яктан да бетон белән тутыру өчен, опалубка әзерләгәннәр.

Павлюхин урамында барлык күтәргеч элементларны сүткәннәр. Хәзерге вакытта эшчеләр субайларны бетонлау эшенә әзерләнәләр, инженерлык челтәрләрен өлешчә күчерәләр. Киләсе этапта фундамент салыначак һәм шахталарда, аларның керү төркемнәрендә эшләр башкарылачак.

Ямашев проспектындагы «Ветеринария академиясе» тукталышында урнашкан юл өсте кичүендә субайлар һәм нигезләр сүтелә. Шуннан соң эшчеләр яңа плитә салу өчен бораулау эшләрен башлаячаклар. Чистай урамы белән Ф.Әмирхан проспекты киселешендә, шулай ук Сахаров урамындагы сәүдә үзәге янында урнашкан кичүләрдә бригадалар иске күтәргеч җайланмаларны сүтәләр.

Яңа лифтлар, күпфатирлы йортлардагы кебек, җылы шахталар белән булачак, ә аларны эксплуатацияләү срогы – элеккеләреннән берничә тапкырга артыграк, дип хәбәр иттеләр шәһәрнең тышкы төзекләндерү комитетында.

Шулай ук укыгыз

Барлык яңалыклар