«Шәһәр бакчачысы мәктәбе» проектының яңа сезонында катнашуга теркәлү башланды

«Шәһәр бакчачысы мәктәбе» проектының яңа сезонында катнашуга теркәлү башланды

<p> Татарстан башкаласында «Шәһәр бакчачысы мәктәбе» проектының өченче сезонында катнашуга теркәлү башланды. Дәресләр барышында халык җәмәгать киңлекләрендәге яшел үсентеләрне тәрбияләү үзенчәлекләрен өйрәнәчәк. </p> <p> Алты теоретик һәм гамәли дәрестән торган курсны агроном-эколог, агач инспекторы Александр Матюха үткәрәчәк. Ул шәһәр халкы тормышында үсемлекләрнең роле турында сөйләячәк, шулай ук чәчәкләр һәм агачларны тәрбияләргә өйрәтәчәк. </p> <p> Беренче дәрес 21 июньдә «Ак чәчәкләр» бульварында, ә икенчесе – 28 июньдә Аксенов исемендәге скверда узачак. Июль дәвамында дәресләр Кече Акчарлак күле янындагы паркта, «Ак Чәчәкләр» бульварында, шулай ук Җиңү паркы һәм «Светлая долина» торак комплексы янындагы паркта үткәреләчәк. </p> <p> Проект шартлары арасында – проектта катнашучылар һәр дәрескә йөрергә һәм 16 яшьтән өлкәнрәк булырга тиеш. Курс тәмамлангач, барлык дәресләрдә булган шәһәрлеләргә мәктәпне тәмамлаучы сертификаты тапшырылачак. </p> <p> Барлык очрашулар 11:00 дә узачак. Проектның яңа сезоны турында төгәлрәк һәм теркәлү <a target="_blank" href="https://parkikazani.timepad.ru/event/3421849/">сылтама</a> буенча, дип хәбәр иттеләр Казанның парклар һәм скверлар дирекциясендә. </p> <p> Шәһәр бакчачысы мәктәбе – җәмәгать киңлекләрендәге яшел үсентеләрне карау үзенчәлекләрен өйрәнүгә, шулай ук аларга җаваплы мөнәсәбәт тәрбияләүгә юнәлдерелгән белем бирү проекты. </p>

2025-06-17T17:22:00+0300