Җәйге шигъри слэмга тамашачылар өчен теркәлү башланды

Иҗади батл җиңүчесен тавыш бирү юлы белән билгеләячәкләр.

Фото: Марат Мөгыйнов

(Казан шәһәре KZN.RU, 2 нче июнь). 26 нчы июньдә Казанда җәйге шигъри слэмга тамашачылар өчен теркәлү ачылды. Быел конкурс программасының темасы «Чынбарлык һәм фантазия».

Слэмга килергә теләүчеләргә сайтта теркәлергә кирәк. Ул Профсоюз ур., 22 адресы буенча урнашкан мәйданчыкта узачак. Керү – бушлай, дип хәбәр итәләр оештыручылар.

Шигъри батлның җиңүчесен тамашачылар тавыш бирү юлы белән билгеләячәк: конкурс программасында иң күп тавыш җыйган катнашучы үз шигыре белән аудиотасма яздыру мөмкинлегенә ия булачак. Исегезгә төшерәбез, слэмда катнашырга теләүчеләрдән гаризалар 10 нчы июньгә кадәр кабул ителә.

Шигырь язучылар иҗат кешеләренә ярдәм итү буенча оештырылган «Заманча шигърият факультеты»нда түләүсез белем бирү программасында үз күнекмәләрен камилләштерә алачак. 18 яшьтән 35 яшькә кадәрге авторлардан гаризалар 15 нче июньгә кадәр кабул ителә.

Курсны тыңлаучылар нәрсә ул поэзия, ул ничек үзгәргәнлеген белә алачаклар, шәхси брендны алга этәрергә өйрәнәчәкләр һәм сәхнә образы аша үз иҗатыңа игътибарны ничек җәлеп итәргә кирәклеген беләчәкләр. Курсның гамәли өлеше үз күнекмәләреңне камилләштерүгә һәм башка авторлар белән бергәлектә әсәр иҗат итүгә юнәлтелгән. Яшь шагыйрьләр үзләрен төрле формаларда һәм үзләре өчен хас булмаган жанрларда сынап караячак. Иң яхшы өч кеше продюсерлыкка грант, шулай ук программа партнерларыннан приз – китаплар һәм белем бирү курсларына сертификатлар алачак.

Исегезгә төшерәбез, «Слэм» заманча шигърияткә ярдәм итү программасы – ел әйләнәсендә үткәрелә торган проект, ул 4 сезонлы шигъри слэм һәм заманча шигърият фестивален үз эченә ала, дип хәбәр итә проектның матбугат хезмәте.

Шулай ук укыгыз

Барлык яңалыклар