Казанда "Созвездие" фестиваленә гаризалар кабул итү башланды

Катнашуга 21 яшькә кадәрге яшьләр чакырыла.

(Казан шәһәре KZN.RU, 17-нче гыйнвар). Казанда "Созвездие – 2019" яшьләр эстрада сәнгате фестиваленә гаризалар кабул итү башланды. Бәйгедә катнашырга 21 яшькә кадәрге коллектив яки эстрада жанрында шәхси чыгыш ясаучы башкаручылар чакырыла.

Сайлап алуда катнашу өчен 5 март көнне 18:00 сәгатькә кадәр бәйгенең район этабында катнашырга, электрон гариза тутырырга һәм кирәкле материалларны түбәндәге адрес буенча Балалар һәм яшьләр эшләре комитетына тапшырырга кирәк: Петербург ур., 70, каб.13.

Фестивальнең район этабындагы сайлап алу турлары 11 һәм 13 февральдә Авиатөзелеш һәм Яңа Савин районнары өчен, 15 һәм 18 февральдә Вахитов һәм Идел Буе районнары өчен, 19-21 февральдә Совет районы өчен, 26 һәм 28 февральдә Киров һәм Мәскәү районнары өчен узачак. Шәһәр этабы 13-15 март көннәрендә В.И.Ленин ис. мәдәният сараенда узачак, дип хәбәр итә балалар һәм яшьләр эшләре комитеты.

Быел "Созвездие" тугыз номинация буенча үткәрелә: ВИА, вокал-соло, вокаль ансамбльләр, балалар өчен иң яхшы җыр, җырга иң яхшы музыка, җырның иң яхшы тексты, хореография, конферанс, видеоклип.

Сайлап алу турларын үткәрү буенча сорауларны балалар һәм яшьләр эшләре буенча район бүлекләре телефоннары буенча бирергә мөмкин: Авиатөзелеш һәм Яңа Савин районнары - 519-34-18, 519-34-48; Вахитов һәм Идел Буе районнары – 277-04-52; Киров һәм Мәскәү районнары – 557-76-52, 557-76-34; Совет районы – 272-07-04.

Шулай ук укыгыз

Барлык яңалыклар