«Росмолодежь. Гранты 1 сезон» бөтенроссия яшьләр проектлары конкурсына гаризалар кабул ителә башланды

Җиңүчегә үз проектын тормышка ашыру өчен 1,5 млн сумга кадәр акча бирәчәкләр.

Фото: Денис Гордийко

(Казан шәһәре KZN.RU, 9 нчы март). «Росмолодежь. Гранты 1 сезон» бөтенроссия яшьләр проектлары конкурсына гаризалар кабул ителә башланды. Анда Россиянең 14 яшьтән 35 яшькә кадәрге гражданнары катнаша ала. Җиңүчегә үз проектын тормышка ашыру өчен 1,5 млн сумга кадәр акча биреләчәк.

Конкурс 15 номинация буенча үткәрелә:

#создавай_возможности – яшьләр эшен, шул исәптән үзмәшгульлекне оештыруга юнәлдерелгән проектлар;

#развивай_среду – кече территорияләрне үстерүгә юнәлдерелгән проектлар;

#объединяй – мәдәниятара диалогка һәм халыкара хезмәттәшлеккә юнәлдерелгән проектлар;

#защищай – яшьләр арасында экстремизм һәм терроризм идеологиясенә каршы торуга юнәлдерелгән проектлар;

#стирай_границы – сәламәтлек мөмкинлекләре чикләнгән кешеләр белән эшләүгә юнәлдерелгән проектлар;

#сохраняй_природу – экологик агартуга юнәлдерелгән проектлар;

#двигай_сообщества – студентлар берләшмәсенә ярдәм итүгә һәм аны үстерүгә юнәлдерелгән проектлар;

#вдохновляй – иҗади инициативаларга ярдәм итүгә һәм мәдәни-мәгариф мохитне үстерүгә юнәлдерелгән проектлар;

#береги – гражданлык тәңгәллеген үстерүгә һәм гаилә кыйммәтләрен саклауга юнәлдерелгән проектлар;

#открывай_страну – туристларны җәлеп итүгә һәм яшьләр туризмын үстерүгә юнәлдерелгән проектлар;

#будь_здоров – спорт һәм сәламәт яшәү рәвешен популярлаштыруга юнәлдерелгән проектлар;

#помни – тарихи хәтерне саклауга юнәлдерелгән проектлар;

#расскажи_о_главном – яшьләр медиа үсешенә юнәлдерелгән проектлар;

#МЫВМЕСТЕ – иреклеләр хәрәкәтен үстерүгә һәм ярдәм итүгә юнәлдерелгән проектлар;

#Ты_ не_один – девиантлыкны профилактикалауга һәм яшьләрне социальләштерүгә юнәлдерелгән проектлар.

Гаризалар 30 нчы мартка кадәр «Молодежь России» автоматлаштырылган мәгълүмат системасы аша кабул ителә. Конкурс нәтиҗәләре 24 нче майда билгеле булачак, дип хәбәр итә Яшьләр эшләре буенча федераль агентлык. Катнашу шартлары белән сайтта танышырга мөмкин.

Шулай ук укыгыз

Барлык яңалыклар