«Саумы, Казан!»/«Здравствуй, Казань!» конкурсында катнашу өчен гаризалар тапшыру башланды

«Саумы, Казан!»/«Здравствуй, Казань!» конкурсында катнашу өчен гаризалар тапшыру башланды

<p> </p> <div class="detail-picture"> <img src="https://kzn.ru/upload/iblock/4a3/4a39d10c39fc0efcfd0e64b27e694783.jpg"> <p class="detail-picture__caption"> Фото: Денис Гордийко </p> </div> «Саумы, Казан!»/«Здравствуй, Казань!» конкурсында катнашу өчен гаризалар кабул итү башланды. Декоратив-гамәли сәнгать осталары борынгы Казан риваятьләренә һәм мифларына багышланган эшләрен тәкъдим итә ала. Алар дүрт юнәлештә башкарылган булырга тиеш: тирене сәнгатьле эшкәртү, киез басу, чигү, керамика. <p> </p> <p> Конкурска 2024 елда иҗат ителгән эшләнмәләр генә кабул ителә. Шул ук вакытта аларның саны чикләнмәгән. Конкурс эшләрен онлайн-сайлап алу 21 нче июльдән 1 нче августка кадәр узачак, соңрак икенче турга үткән эшләрне кабул итү оештырылачак. Конкурс нигезләмәсе белән <a href="https://kzn.ru/meriya/ispolnitelnyy-komitet/analiticheskiy-otdel/dokumenty/?lang=ru">сылтама</a> буенча танышырга мөмкин. </p> <p> Һәр юнәлеш буенча ике яшь категориясендә җиңүчеләр 2024 елның 30 нчы сентябренә кадәр игълан ителәчәк. Аларга акчалата премияләр тапшырылачак: беренче урын өчен – 100 мең сум, икенче урын өчен – 85 мең сум, өченче урын өчен 65 мең сум каралган. Җиңүчеләрнең иҗади әсәрләре күргәзмәдә тәкъдим ителәчәк һәм буклетта урын алачак. </p> <p> Конкурста катнашу өчен иҗат эше фотосы беркетелгән гаризаны 20 нче июльгә кадәр «Саумы, Казан!»/«Здравствуй, Казань!» конкурсына» билгесе белән <a href="mailto:saumykazan@mail.ru">saumykazan@mail.ru</a> электрон адресына җибәрү сорала. </p> <p> Хатта автор турында белешмә күрсәтелә: фамилиясе, исеме, атасының исеме, туган көне, эш яки уку урыны, регалияләре (булган очракта), яшәү урыны буенча адресы, элемтә телефоны, электрон адресы. Шулай ук эшнең (эшләрнең) атамасы, декоратив-гамәли сәнгать техникасы төре, эшнең зурлыгы, аны иҗат итү датасы турында мәгълүмат булырга тиеш, эшкә кыскача аннотация язу – теләк буенча. </p> <p> Конкурс ТР рәисе каршындагы Татар телен һәм ТРда яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән Казан мэриясе тарафыннан оештырыла. </p> <p> Исегезгә төшерәбез, «Саумы, Казан!»/«Здравствуй, Казань!» конкурсы беренче тапкыр 2023 елда, Туган телләр һәм халыклар бердәмлеге елында <a href="https://kzn.ru/meriya/press-tsentr/novosti/stali-izvestny-imena-pobediteley-konkursa-saumy-kazan/">узды</a>. Анда республика башкаласы урамнарын, паркларын һәм тарихи биналарын сурәтләгән заманча рәссамнар катнашты. </p>

2024-05-02T11:17:00+0300