Казанлыларны «Эхо веков в истории семьи – Без тарихта эзлебез» фестивалендә катнашырга чакыралар

Катнашучыларга үз гаиләләренең яраткан милли ризыгын әзерләргә һәм концерт номеры ярдәмендә нәсел шәҗәрәсен тәкъдим итәргә туры киләчәк

Фото: Марат Мөгыйнов

Казанлылар «Эхо веков в истории семьи – Без тарихта эзлебез» фестивалендә катнаша ала. Катнашу өчен гаризалар 20 нче февральгә кадәр кабул ителәчәк.

Тема буенча материаллар:

Тимер юлчылар мәдәният сараенда «Тарихта без эзлебез» фестиваленең зона этабына йомгак ясалды

Фестиваль өч этапта узачак: муниципаль, зона, республика.

Фестивальнең максаты – гаиләдәге гореф-гадәтләрне саклау һәм үстерү, туганлык җепләрен һәм буыннар дәвамлылыгын ныгыту.

Катнашучыларга, гаиләнең яраткан милли ризыгын әзерләп, аны жюри әгъзаларына тәкъдим итәргә, концерт номеры ярдәмендә нәсел шәҗәрәсе турында сөйләргә кирәк. Соңгы бирем бию, җыр, театральләштерелгән тамаша, гаиләнең милли киемен тәкъдим итү кебек номерларны үз эченә алырга мөмкин.

Шәҗәрәдә гаилә династияләре тасвирланырга, алар өчен кадерле булган истәлекле әйберләр һәм коллекцияләр турында материаллар, гаилә тормышыннан кызыклы фактлар булырга тиеш. Аны альбом, стенд, панно яки текстлы баннер-коллаж рәвешендә бизәргә кирәк.

Фестиваль, шулай ук гариза бирү шартлары турында тулырак мәгълүмат белән KZN.RU порталындагы бүлектә танышырга мөмкин.

Шулай ук укыгыз

Барлык яңалыклар