Казан Мэры стипендияләренә гаризалар кабул ителә башлады

Конкурста җиңүчеләргә өч төр стипендия билгеләнә.

(Казан шәһәре KZN.RU, 2-нче октябрь). Казанда ел саен үткәрелә торган Казан Мэры исемендәге стипендиягә фәнни-тикшеренү һәм фәнни-гамәли эшләр конкурсында катнашуга гаризалар кабул ителә башлады.

Конкурста югары һәм урта уку йортларының көндезге уку бүлеге студентлары, югары уку йортларының һәм фәнни оешмаларның көндезге уку формасы аспирантлары, клиник ординаторлар, 30 яшькә кадәрге дәүләт яшьләр сәясәтен гамәлгә ашыру өлкәсендә эшләүче белгечләр катнаша ала.

Конкурста җиңүчеләргә өч төр стипендия билгеләнә. Аспирантларга, интерннарга һәм клиник ординаторларга бер үк вакытта 30 мең сумлык 16 стипендия каралган. Югары уку йортлары, яшьләр иҗтимагый берләшмәләре студентлары өчен бер үк вакытта 20 мең сумлык 20 стипендия каралган. Һөнәри белем бирү оешмалары студентлары өчен бер үк вакытта 10 мең сумлык ике стипендия каралган. Казанның яшьләр иҗтимагый оешмалары белгечләре әлеге категорияләрнең теләсә кайсысына кертелергә мөмкин.

Конкурста катнашу өчен 28-нче октябрьнең 23.59 сәгатенә кадәр «Россия яшьләре» автоматлаштырылган мәгълүмат системасы аша, кирәкле конкурс документларын беркетеп, электрон рәвештә гариза бирергә кирәк, дип хәбәр итә Балалар һәм яшьләр эшләре комитеты. Тулырак мәгълүмат конкурс нигезләмәсендә бирелә.

Шулай ук укыгыз

Барлык яңалыклар