«Зәңгәр ташкынның тылсымлы көче - МОСГАЗ йолдызлар яндыра» IX Халыкара яшь талантлар фестиваленә гаризалар кабул итү башланды

Казанлылар музыка һәм сәнгать конкурсларында катнашуга гаризаларны 2021 елның 15-нче гыйнварына кадәр җибәрә ала.

Фото: Казан шәһәре KZN.RU

(Казан шәһәре KZN.RU, 14-нче октябрь). 2020 елның октябреннән 2021 елның мартына кадәр уза торган «Зәңгәр ташкынның тылсымлы көче - МОСГАЗ йолдызларны кабыза» IX Халыкара яшь талантлар фестиваленә гаризалар кабул итү башланды.

Фестиваль кысаларында ике юнәлеш буенча конкурслар уздырыла: «Зәңгәр ташкынның тылсымлы көче» сәнгать конкурсы һәм «МОСГАЗ йолдызларны кабыза» музыкаль конкурсы.

Балалар иҗаты конкурсында гомуми белем бирү, сәнгать мәктәпләре, студияләр, түгәрәкләр, колледжлар, лицейлар, өстәмә белем бирү учреждениеләре укучылары, урта махсус уку йортлары студентлары һәм РФ төбәкләреннән, БДБ илләреннән һәм чит илләрдән 7 яшьтән алып 18 яшькә кадәрге затлар катнаша ала. Конкурс нигезләмәсе белән түбәндәге сылтама буенча танышырга була.

Яшь вокалистлар конкурсында гомуми белем һәм музыка муниципаль һәм хосусый мәктәпләре укучылары, хор студияләре, түгәрәкләр, лицейлар, урта махсус уку йортлары студентлары һәм РФ төбәкләреннән, БДБ илләреннән һәм чит илләрдән 8 яшьтән 18 яшькә кадәрге затлар катнаша ала. Конкурсның нигезләмәсе сылтама буенча тәкъдим ителгән.

Фестивальдә катнашу бушлай. Гаризалар 2021 елның 15-нче гыйнварына кадәр конкурс сайтында кабул ителә. Нәтиҗәләр 2021 елның мартында Мәскәүдә лауреатларны һәм дипломантларны бүләкләү тантанасында уңай эпидемиологик вәзгыять урнашкач ясалачак, дип хәбәр итә оештыручылар.

Шулай ук укыгыз

Барлык яңалыклар