«ЯСНА: Россиянең талантлы башкаручылары өчен этномузыка лабораториясе» конкурсы башланды

Финалистлар өчен этномузыкант Gurude җитәкчелегендә өч көнлек уку оештырыла

Фото: Денис Гордийко

(Казан шәһәре KZN.RU, 1 нче сентябрь). «ЯСНА: Россиянең талантлы башкаручылары өчен этномузыка лабораториясе» конкурсына гаризалар кабул итү башланды. Ярышларда 18 яшьтән 50 яшькә кадәрге Казан артистлары катнаша ала.

Конкурсның төп шарты – милли телдә заманча этник жанрда җырлар башкару. Номерда борынгы халык музыка коралларын заманча яңгырашта, яңа аранжировкаларда һәм формаларда кулланырга кирәк. Гаризалар 31 нче декабрьгә кадәр фестиваль сайтында кабул ителә, формада видео чыгышны беркетергә кирәк.

Конкурсның 10 финалисты өчен этномузыкант Gurude һәм остазлары җитәкчелегендә иҗади лабораториядә өч көнлек дәресләр оештырыла. Уку 2024 елның февралендә «Ясна» этнокомплексында узачак.

Шуннан соң март һәм апрель айларында лабораториядә катнашучыларга, уку вакытында алган күнекмәләрен исәпкә алып, яңа композицияләрне эшләп бетерергә туры киләчәк. Май аенда Чебоксарның төп сәхнәсендә гала-концерт узачак, анда конкурста катнашучылар, Gurude һәм остазлар командасы үз композицияләрен башкарачак. Чыгышлар тамашачылар тавыш бирсен өчен сайтта урнаштырылачак.

Иң яхшы өч коллектив видеоклиплар ясау өчен сертификатлар алачак – киләчәктә аларны чуаш телевидениесендә һәм интернетта урнаштырачаклар. Гран-При алган катнашучы Чувашия буенча туристлык сәфәренә барачак.

Детальләрне yasnamusic@mail.ru электрон почтасы аша белергә мөмкин, дип хәбәр итә оештыручылар.

Шулай ук укыгыз

Барлык яңалыклар