Драматурглар арасында «Яңа татар пьесасы - 2022» конкурсы старт алды

Иң яхшы эшләрне призлар көтә, әсәрләрне театрларга сәхнәләштерүгә тәкъдим итәчәкләр.

Фото: Денис Гордийко

(Казан шәһәре KZN.RU, 21-нче гыйнвар). Драматургия өлкәсендә «Яңа татар пьесасы - 2022» премиясенә чираттагы конкурс старт алды. Авторлар конкурска сәхнәдә куелмаган, матбугатта бастырылмаган, шулай ук моңарчы конкурста катнашмаган пьесаларны тәкъдим итә ала.

Конкурска эшләр 2022 елның 1-нче октябренә кадәр кабул ителә. Текстларны түбәндәге адрес буенча җибәрергә кирәк: 420021, Казан, Татарстан ур., 1, Г.Камал исемендәге Татар дәүләт академия театры («Яңа татар пьесасы - 2022» конкурсы» тамгасы белән).

Конкурс ике этапта уздырыла: 2022 елның 1-нче ноябренә кадәр жюри әгъзалары конкурска җибәрелгән барлык пьесаларны укыйлар һәм икенче этапка кертеләчәк әсәрләрдән шорт-лист төзиләр. Шорт-лист массакүләм мәгълүмат чараларында һәм www.kamalteatr.ru сайтында басыла. Алга таба жюри җиңүчеләрне билгели, алар 2022 елның 22-нче декабрендә игълан ителәчәк, дип хәбәр итә театрның матбугат хезмәте.

Иң яхшы өч пьеса авторларын акчалата премияләр көтә, ә әсәрләр махсус җыентыкта кулъязма хокукларында бастырылачак һәм театрларга сәхнәләштерүгә тәкъдим ителәчәк. Шулай ук Татарстан Республикасы Мәдәният министрлыгы да махсус премия бирәчәк.

Конкурс турында өстәмә мәгълүматларны 8 (843) 293-52-50 телефоны буенча яки ntp@kamalteatr.ru электрон почтасы аша алырга мөмкин.

Конкурс ТР Мәдәният министрлыгы, ТР Театр эшлеклеләре берлеге, Г.Камал исемендәге театр тарафыннан уздырыла.