«Минем илемнең, шәһәрнең, авылның, районның туристик коды – PRO-туризм» III Халыкара бәйгесе старт алды

Ул ике этапта узачак

«Минем илнең, шәһәрнең, авылның, районның туристик коды – PRO-туризм» III Халыкара бәйгесенең гариза кампаниясе старт алды. Россия Федерациясе һәм БРИКС илләре, ШОС, ЕАЭС һәм башка илләр гражданнары түбәндәге яшь категорияләрендә катнаша ала: 10 яшьтән 13 яшькә кадәр, 14 яшьтән 17 яшькә кадәр, 18 яшьтән 35 яшькә кадәр, 36 яшьтән өлкәнрәк. Шәхси килеш һәм команда белән (биш авторга кадәр) катнашып була.

Бәйге ике этапта узачак. Беренчесен читтән торып, бу елның 20 февраленә кадәр үткәрәчәкләр. Икенчесен 18 марттан 20 мартка кадәр Мәскәүдә «MITT» кунакчыллык индустриясе һәм туризм халыкара күргәзмәсе кысаларында оештыралар.

Катнашучыларга төрле номинацияләр тәкъдим ителде: «Ил тарихы, халыклар тарихы – этнографик туризм», «Фәнни һәм сәнәгать туризмы», «Тәмен той! Гастрономия туризмы», «Сәламәтлек өчен! Дәвалау-савыктыру туризмы», «Экскурсия туризмы», «Кунакчыл гаилә» һәм башкалар, дип хәбәр итә оештыручылар.

Үз эшләреңне җибәрергә һәм анкетаны сылтама буенча тутырырга мөмкин.

Бәйгенең төп максаты – туризм индустриясен популярлаштыруга һәм үстерүгә юнәлтелгән яңа туристик маршрутлар, проектлар һәм инициативалар, фикерләр һәм практикалар булдыру һәм эшләү.

Бәйге муниципаль берәмлекләрдә эчке һәм чит ил туризмын үстерүдә актив катнашучы талантлы гражданнарга ярдәм итүгә юнәлтелгән.

Шулай ук укыгыз

Барлык яңалыклар