«Казаныш» архитектура-төзелеш форумын үткәрү даталары билгеле булды

Бөтен ил экспертлары ТР башкаласында үзеңне табу өчен урыннар, инклюзив мохит, «өченче яшь» һәм башка темалар турында фикер алышачак

Фото: Марат Мөгыйнов

(Казан шәһәре KZN.RU, 3 нче август). «Казаныш» архитектура-төзелеш форумын үткәрү даталары билгеләнде. Быел ул 30 нчы ноябрьдән 2 нче декабрьгә кадәр Бәшир Рәмиев исемендәге IT-паркта узачак. Ә профессиональ җәмәгатьчелек фикер алышуларының төп темасы «Үзеңне табу өчен шәһәр» булачак. Тиешле карар Казан муниципаль берәмлеге документлар һәм хокукый актлар җыентыгында басылып чыкты.

Форумда катнашучылар өчен семинарлар, дискуссияләр һәм презентацияләр әзерләнәчәк. Фикер алышу барышында экспертлар үзеңне табу өчен урыннар, инклюзив мохит, «өченче яшь» һәм башка темаларга кагылачак.

Форумда Казанда иң яхшы архитектура һәм шәһәр төзелеше проектына смотр-конкурс җиңүчеләрен һәм призерларын бүләкләү планлаштырыла. Исегезгә төшерәбез, анкеталар 24 нче августка кадәр кабул ителә, ә проектны 29 нчы сентябрьгә кадәр тәкъдим итәргә мөмкин. Жюри 11 номинациядә җиңүчеләрне сайлаячак: «Иң яхшы торак комплекс», «Иң яхшы шәхси торак йорт», «Иң яхшы коммерция күчемсез милек объекты» һ.б.

«Казаныш» форумын Шәһәрне үстерү институты үткәрә. Узган ел ул «Урам» экстрим-паркында узды. Бер мәйданчыкта архитектура, дизайн һәм төзелеш өлкәсендә 200 гә якын эксперт җыелды. Фикер алышуларның төп темасы «Яшьләр өчен шәһәр» булды.

Шулай ук укыгыз

Барлык яңалыклар