«Кунакчыллык йолдызлары» төбәкара фестивален уздыру мәйданчыгы билгеле булды

Туристлык, ресторан һәм кунакханә индустриясе предприятиеләренең иң яхшы хезмәткәрләрен 22 нче декабрьдә игълан итәчәкләр

Фото: Марат Мөгыйнов

(Казан шәһәре KZN.RU, 22 нче ноябрь). Туристлык, ресторан һәм кунакханә индустриясе предприятиеләре хезмәткәрләре арасында һөнәри осталык регионара фестивале Korston Club Hotel кунакханә мәйданчыкларында узачак.

Тема буенча материаллар:

И.Метшин: «Бүген Казанда кабыначак йолдызлар Идел буе төбәгенең туристлык офыгында якты итеп балкып торачак»

Җиңүчеләрне 10 номинациядә игълан итәчәкләр: «Иң яхшы пешекче», «Ресторанның иң яхшы менеджеры», «Иң яхшы официант», «Иң яхшы бармен», «Иң яхшы кондитер», «Иң яхшы портье», «Иң яхшы хезмәтче», «Иң яхшы эчке һәм чит илдән килүчеләр туризмы буенча менеджер», «Иң яхшы сити-блогер» һәм «Күтәрелеп килүче йолдыз. Эчке һәм чит илдән килүчеләр туризмы буенча менеджер».

Фестиваль өч көн дәвам итәчәк. 20 нче декабрьдә ярышлар планлаштырылган, 21 нче декабрьдә – барлык теләүчеләр өчен экскурсия, ә 22 нче декабрьдә Ратушада Казан Мэры Илсур Метшин катнашында бүләкләү тантанасы узачак.

1 нче декабрьгә кадәр «Эчке һәм чит илдән килүчеләр туризмы буенча иң яхшы менеджер», «Иң яхшы бармен», «Күтәрелеп килүче йолдыз. Эчке һәм чит илдән килүчеләр туризмы буенча менеджер» номинацияләрендә катнашу өчен гариза бирергә мөмкин. Тулырак мәгълүматны түбәндәге телефон буенча белергә мөмкин: +7(843)223-23-70, дип хәбәр итә ТР башкаласының Туризмны үстерү комитеты.

Исегезгә төшерәбез, экспертлар сыйфатында кунакчыллык тармагы белгечләре чыгыш ясаячак: күпьеллык стажлы шеф-поварлар, отельерлар, рестораторлар һәм башка профессионаллар. Җиңүчеләрне 50 мең сум күләмендә акчалата бүләкләр көтә.

Шулай ук укыгыз

Барлык яңалыклар