Казанга бильярд спорты буенча Россия чемпионатына илнең 36 төбәгеннән спортчылар киләчәк

Ярышлар 18-24 нче апрельдә уза.

Фото: ТР Спорт министрлыгы матбугат хезмәте

(Казан шәһәре KZN.RU, 18 нче апрель). 18-24 нче апрельдә Татарстан башкаласында бильярд спорты буенча Россия ачык чемпионаты узачак. Ярышлар «дәвамлы ирекле пирамида» дисциплинасы буенча оештырыла.

Казанга Россиянең 36 төбәгеннән, шулай ук Халыкара пирамида конфедерациясе әгъзасы булган 4 илдән спортчылар киләчәк. Татарстан данын 15 спортчы (11 ир-ат һәм 4 хатын-кыз) яклаячак, алар арасында 13 спортчы – Казаннан.

Турнирны ачу тантанасы 19 нчы апрельдә 11:00 сәгатьтә «Аристократ» бильярд клубында (Патрис Лумумба ур., 47А, корп. 1) узачак. Керү – ирекле, дип хәбәр итә Казан Башкарма комитетының Физик культура һәм спорт комитеты.

Шулай ук укыгыз

Барлык яңалыклар