Яңалыклар
26.05.2023, 15:07
Казан спортчысы Кытайда узган ярышларда алтын медаль алды
Софья Дьякова ирекле стиль белән 400 метр дистанциядә йөзүдә иң яхшысы булды
Фото: Физик культура һәм спорт комитеты
(Казан шәһәре KZN.RU, 26 нчы май). IX Россия-Кытай яшьләр җәйге уеннары ярышларының өченче көнендә РФ җыелма командасы 26 медальгә ия булды. Казан спортчысы да ил копилкасына алтын алып килде, дип хәбәр иттеләр Федераль спорт резервы әзерләү үзәгендә.
Софья Дьякова ирекле стиль белән 400 метр дистанциядә йөзүдә иң яхшысы булды. Ул финишны 4.12,88 нәтиҗәсе белән тәмамлый алды.
Катнаш 4х100 м эстафетасында Россия җыелма командасы алтын медаль яулады. Мирон Лифинцев, Павел Курганский һәм Казан йөзүчеләре Ралина Гыйләҗева, Анастасия Колпакова дистанцияне 3.52,44 сәгатьтә үттеләр.
Исегезгә төшерәбез, Россия-Кытай яшьләр җәйге уеннары Чунцин шәһәрендә 22-27 нче майда уза. РФ җыелма командасы составына 158 спортчы, шулай ук 50 тренер һәм белгеч кергән. Ярышларда сигез спорт төрендә медальләр уйнатыла: бадминтон, баскетбол, волейбол, гандбол, спорт көрәше, йөзү, футбол һәм нәфис гимнастика.
Моңа кадәр Казан спортчысы кергән Россия командасы нәфис гимнастика буенча төркем күнегүләрендә алтын медаль яулаган иде. Шулай ук Софья Дьякова ярышларда көмеш һәм бронза медальләр алды.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
