Кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсе белгечләре эшкуарларга консультация бирәчәк

Бердәм ачык ишекләр көнендә катнашу өчен алдан язылу кирәк.

Фото: Казан шәһәре KZN.RU

(Казан шәһәре KZN.RU, 9-нчы июль). 21-нче июльдә Кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсе эшкуарлар өчен бердәм ачык ишекләр көне уздырачак.

Кабул итү 14:00 сәгатьтән 16:00 сәгатькә кадәр Казанда Большая Красная урамы, 30 һәм Сеченов урамы, 13а адреслары буенча узачак.

Казанда консультацияләр алу өчен алдан язылу түбәндәге телефон номерлары буенча гамәлгә ашырыла: +7(843)238-36-32, +7(843)238-18-41 (19-нчы июльдән 20-нче июльгә кадәр 10:00 сәгатьтән 17:00 сәгатькә кадәр, төшке ашка тәнәфес 12:00 сәгатьтән 12:45 сәгатькә кадәр), шул ук вакытта кызыксындырган сорауны яңгыратырга кирәк. Идарәнең территориаль бүлекләрендә консультацияләр алу өчен республика районнарында алдан язылу идарә сайтында тәкъдим ителгән идарәнең территориаль бүлекләре телефоннары номерлары буенча уздырыла.

Консультациягә язылган эшмәкәрләргә идарә һәм аның территориаль бүлекләренә килгәндә сулыш органнарын шәхси саклау чараларыннан (битлекләр, ресираторлар) кулланырга кирәк, дип хәбәр итә оешманың матбугат хезмәте.

Шулай ук укыгыз

Барлык яңалыклар