Казаннан махсус хәрби операциядә катнашучылар психологлардан бушлай ярдәм ала ала

Консультацияләр «Ышаныч» үзәгенең өч бүлегендә һәм телефон аша оештырылган.

Фото: Денис Гордийко

(Казан шәһәре KZN.RU, 9 нчы март). Казаннан махсус хәрби операциядә катнашучыларга «Ышаныч» үзәге психологлары бушлай консультацияләр бирә.

Ярдәм сорап шәхсән өч бүлеккә мөрәҗәгать итәргә мөмкин, алар түбәндәге адреслар буенча урнашкан:

Фатыйх Әмирхан урамы, 2 – «Ювента» хезмәте, психолог Маргарита Подгородова;

Яңа Азино урамы, 2 – «Выбор» хезмәте, психолог Кристина Киселева;

Сәлимҗанов урамы, 14 – «Компас» хезмәте, психолог Светлана Латыйпова.

Алдан +7(843)598-33-73 телефоны буенча язылырга кирәк. Ярдәмне дистанцион рәвештә алырга теләүчеләр өчен тәүлек әйләнәсе ышаныч телефоны эшли: +7(843)277-00-00.

«Махсус хәрби операциядә катнашучыларны консультацияләү өчен без бу спецификада эшләргә әзер компетентлы психологларны сайладык. Шәһәрнең төрле районнарында өч филиалны әзерләдек. Мөрәҗәгатьләрне көтәбез», - диде «Ышаныч» директоры Елена Овчинникова.

Исегезгә төшерәбез, психологлардан консультацияне махсус хәрби операциядә катнашучыларның хатыннары да ала ала. Узган елның көзеннән Казанда яшәүче 234 хатын-кыз шундый мөмкинлектән файдаланган, аларның 122 се белгечләр белән очрашкан. Катнашучыларның хатыннарына «Ышаныч» үзәгенең барлык бүлекчәләрендә консультацияләр бирелә, +7(843)598-33-73 телефоны буенча язылырга була. Шулай ук психологик ярдәмне дистанцион рәвештә алырга мөмкин, ышаныч телефоны тәүлек әйләнәсе эшли: +7(843)277-00-00.

Махсус хәрби операция катнашучыларына, аларның гаиләләренә һәм Лисичанск халкына ярдәм итү чаралары исемлеге KZN.RU порталының махсус бүлегендә басылып чыкты.

Шулай ук укыгыз

Барлык яңалыклар