Росреестр белгечләре күчемсез милекне теркәү мәсьәләләре буенча мобилизацияләнүчеләр һәм аларның гаиләләренә тәүлек буе консультацияләр бирәләр

ТР Кадастр палатасы һәм ведомство белгечләренең көндезге кабул итүе «Казан Экспо» халыкара күргәзмә үзәгендә оештырылды.

Фото: Денис Гордийко

(Казан шәһәре KZN.RU, 29 нчы ноябрь). ТР буенча Росреестр идарәсе белгечләре мобилизацияләнүчеләргә һәм аларның гаиләләренә тәүлек буе консультацияләр бирә һәм күчемсез милеккә хокукларны рәсмиләштерә.

Мобилизацияләнгән татарстанлылар һәм аларның гаилә әгъзалары күчемсез милеккә хокукларны рәсмиләштерү сораулары буенча кайнар линия телефонына шалтырата алалар. Росреестрның колл-үзәге тәүлек буе +7(800)100-34-34 телефоны буенча шалтыратулар кабул итә. Идарә хезмәткәрләре эш вакытында +7(843)255-25-25 номеры буенча шалтыратуларга җавап бирә. Мөрәҗәгатьләр шулай ук 9:00 сәгатьтән 15:00 сәгатькә кадәр +7(843)255-25-71 номеры буенча кабул ителә.

Шулай ук Росреестр һәм ТР Кадастр палатасы вәкилләре сишәмбе һәм пәнҗешәмбе көннәрендә «Казан Экспо» халыкара күргәзмә үзәгендә гражданнарга консультация бирәләр. Консультацияләр 17:00 сәгатьтән 20:00 сәгатькә кадәр үткәрелә, дип хәбәр итә ведомствоның матбугат хезмәте.

Мобилизацияләнгән ирләр һәм аларның гаиләләре өчен күчемсез милекне теркәү вакытын бер эш көненә кадәр кыскарттылар. Тизләтелгән процедурадан файдалану өчен күпфункцияле үзәккә документлар тапшырырга һәм республика буенча Росреестрның теләсә кайсы бүлекчәсендә гариза язарга кирәк.

Шулай ук укыгыз

Барлык яңалыклар