Россия кулланучылар күзәтчелеге белгечләре Казан эшмәкәрләренә консультацияләр бирәчәк

Ачык ишекләр көне 16 нчы ноябрьдә була.

Фото: Марат Мөгыйнов

(Казан шәһәре KZN.RU, 7 нче ноябрь). Россия кулланучылар күзәтчелегенең ТР буенча идарәсе 16 нчы ноябрьдә эшмәкәрләр өчен бердәм ачык ишекләр көне үткәрәчәк.

Консультация өчен алдан язылырга кирәк. Заявкалар 14 нче һәм 15 нче ноябрьдә +7(843)222-84-28 телефоны буенча 10:00 дән 17:00 гә кадәр (12:00 дән 12:45 кә кадәр – төшке ашка тәнәфес) кабул ителәчәк. Шалтырату вакытында кызыксындырган сорауны яңгыратырга кирәк булачак.

Ачык ишекләр көне 14:00 сәгатьтән 16:00 сәгатькә кадәр Большая Красная, 30 һәм Сеченов, 13а адреслары буенча узачак, дип хәбәр ителә ведомство сайтында.

Шулай ук укыгыз

Барлык яңалыклар