Салым хезмәте белгече инвалид балаларның ата-аналарына консультация бирәчәк

Татарстан Республикасында Кеше хокуклары буенча вәкаләтле вәкил каршындагы Хокукый белемнәр мәктәбенең чираттагы дәресе 27-нче ноябрьдә видеоэлемтә режимында узачак.

Фото: Денис Гордийко

(Казан шәһәре KZN.RU, 24-нче ноябрь). 27-нче ноябрьдә видеоэлемтә режимында Татарстан Республикасында Кеше хокуклары буенча вәкаләтле вәкил каршындагы хокук белеме мәктәбенең чираттагы дәресе узачак. Инвалид балаларның ата-аналарына һәм законлы вәкилләренә Федераль салым хезмәтенең Татарстан Республикасы буенча идарәсе белгече консультация бирәчәк.

Дәрес 15.00 сәгатьтә башлана. Катнашу өчен +7(999)157-94-42 телефоны буенча, фамилиясен, исемен, атасының исемен, WhatsApp телефоны буенча яки смс-хәбәр ярдәмендә җибәреп язылырга кирәк. Zoomда конференциягә сылтама теркәлгән катнашучыларга җибәреләчәк, дип хәбәр иттеләр Татарстан Республикасында Кеше хокуклары буенча вәкаләтле вәкил аппаратында.

Сорауны кыскача алдан ук түбәндәге электрон адреска җибәрергә була: Adelina.Galillina@tatar.ru.

Исегезгә төшерәбез, социаль проект инвалид балаларның ата-аналары (законлы вәкилләре) булган гражданнарга бушлай юридик ярдәм күрсәтүгә һәм хокукый белем бирүгә юнәлдерелгән.

Шулай ук укыгыз

Барлык яңалыклар