Казанның ике театры спектакльләре «Арлекин» милли премиясе номинантлары булды

Казанның ике театры спектакльләре «Арлекин» милли премиясе номинантлары булды

<p> </p> <div class="detail-picture"> <img src="https://kzn.ru/upload/iblock/266/KZN-1208-870.jpg"> <p class="detail-picture__caption"> Фото: Казан яшь тамашачылар театры матбугат хезмәте  </p> </div> <p> (Казан шәһәре KZN.RU, 15 нче ноябрь). Яшь тамашачылар театрының «Здесь был Кай» һәм Г.Кариев исемендәге театрның «Камыр батыр» спектакльләре «Арлекин» милли премиясе номинантлары булды, дип хәбәр итә ТР Мәдәният министрлыгы матбугат хезмәте. </p> <p> Ике спектакль дә «Арлекин» балалар өчен XX театр сәнгате фестиваленең конкурс программасына кертелгән. Экспертлар советы Россиянең 149 театрыннан 183 спектакльне карады һәм лонг-лист – 2021/2022 театр сезонының мөһим вакыйгалары исемлеген төзеде.  </p> <p> XX фестиваль һәм «Арлекин» балалар өчен театр сәнгате өлкәсендә Россия милли премиясен алуга конкурс 2023 елның 17 нче апреленнән 26 нчы апреленә кадәр «Зазеркалье» Санкт-Петербург дәүләт балалар музыка театрында узачак. </p>

2022-11-15T12:14:15+0300