Яңалыклар
31.12.2020, 10:30
«Декаданс» спектаклен Дәрвишләр бистәсендә күрсәтәчәкләр
Шәһәр халкы Санкт-Петербургтан урам битлек театрының «Пэжоның сәяхәт итүче курчаклары» перформансын күрәчәк.
Фото: Денис Гордийко
(Казан шәһәре KZN.RU, 31-нче декабрь). Бүген Дәрвишләр бистәсендә Мир урамындагы паркта «Декаданс» спектакль-перформанс узачак. Тамашаны Санкт-Петербургтан «Пэжоның сәяхәт итүче курчаклары» урам битлек театры күрсәтәчәк.
Спектакль шәһәр тормышының ыгы-зыгысы турында сөйләячәк, аңа сәер ак җаннар: фонарьчылар, шамакайлар, Ак дама, Арлекин һәм Пилигрим бәреп керә. Бу персонажлар тамашачыларны үз әкият дөньясына чумдырачак – көзгеләр һәм фонарьлар уенына кертәчәкләр. Тамаша 16.00 сәгатьтә башлана, дип хәбәр итә Парклар һәм скверлар дирекциясе.
Исегезгә төшерәбез, Яңа елга Казанда 65 чыршы шәһәрчеге әзерләнгән, бәйрәм мәйданчыклары шәһәрнең һәр районында оештырылган. Казанлылар өчен Яңа ел ялларында ачык һавада 130 чара үткәреләчәк.
Барлык кирәкле мәгълүматны табарга һәм бәйрәм ялларына афиша белән танышырга KZN.RU порталында Яңа елга багышланган махсус бүлектә мөмкин. Афишадан тыш, биредә шулай ук шәһәр бәйрәм мәйданчыклары, яңа ел чыршылары һәм боз шәһәрчекләре, чаңгы базалары һәм шугалаклар, прокат пунктлары һәм башкалар турында тулырак белергә мөмкин.
Шулай ук укыгыз
-
05.05.2025, 20:05 -
05.05.2025, 15:23 -
05.05.2025, 13:54 -
05.05.2025, 10:41
