Социаль фонд: Татарстанда пенсионерларга карата мошенниклык очраклары теркәлгән

Аферистлар өлкән яшьтәге гражданнарга пенсияне дөрес исәпләүне тикшерергә тәкъдим итәләр һәм мәҗбүриләп кыйммәтле хезмәтләр алырга кушалар.

Фото: Денис Гордийко

(Казан шәһәре KZN.RU, 23 нче март). Татарстанда пенсионерларга карата мошенниклык очраклары теркәлгән. Аферистлар өлкән яшьтәге гражданнарга түләү өчен пенсияне дөрес исәпләүне тикшерергә тәкъдим итә.

Пенсионерларның башларын юридик хезмәтләр күрсәтүче фирмалар бутый. Аларның хезмәткәрләре зур түләү өчен пенсияне яңадан исәпләү өчен гариза язарга тәкъдим итәләр. Гражданнар ризалашалар һәм берничә мең сумга җиткән хезмәтләр күрсәтүгә килешүләр төзиләр.

«Фондның барлык хезмәтләре бушлай күрсәтелә. Бүлек хезмәткәрләре өйдән-өйгә йөрми, өйдә нинди дә булса документлар рәсмиләштерергә тәкъдим итми, чагыштыру өчен шәхси мәгълүмат сорамый. Әгәр сездә пенсия һәм башка түләүләр күләме турында сораулар туса, яки фонд компетенциясенә караган сораулар булса, сезне кызыксындырган мәгълүматны онлайн рәвештә Фонд сайтындагы гражданның шәхси кабинетында яисә территориаль органнарга мөрәҗәгать итеп ала аласыз», – дип билгеләп үтте ТР буенча Россия Социаль фонды бүлекчәсе идарәчесе Эдуард Вафин.

Барлык шикле очракларда да татарстанлыларга Россия Социаль фондының Бердәм контакт-үзәгенә +7(800)1-00000-1 телефон номеры буенча мөрәҗәгать итәргә киңәш ителә.

Шулай ук укыгыз

Барлык яңалыклар