Рестораннар, кунакханәләр, такси һәм туристик полиция хезмәткәрләре мундиаль вакытында эш тәртипләренә өйрәнәләр

Казанның Туризм үсешенә булышлык итү комитеты ике көнлек “ДЧ-2018 кунакчыллык формуласы” курслары оештыра.

(Казан шәһәре KZN.RU, 25-нче май). Ик көн дәвамында, 25 һәм 26 майда, Казанның кунакчыллык өлкәсе вәкилләре “ДЧ-2018 кунакчыллык формуласы” ике көнлек курслары үтә. Рестораннар, кунакханәләр, такси һәм туристик полициянең 150 хезмәткәре лекцияләр һәм тренинг форматында футбол буенча дөнья чемпионаты кунакларын каршы алырга һәм аларга югары дәрәҗәдә хезмәт күрсәтергә өйрәнәләр.

Уку Казан (Идел буе) федераль университетының ике бүлекчәсе – Финанс институты һәм Халыкара мөнәсәбәтләр һәм көнчыгышны өйрәнү институты – нигезендә бушлай үтә. Спикерлар арасында – түрәләр, бизнес-тренерлар, эшмәкәрләр. Тыңлаучылар Казанда ДЧ-2018 вакытында узачак чаралар, чит ил вәкилләре белән аралашу үзенчәлекләре, мәгълүмат сервислары һ.б. турында беләләр. Моннан кала, кунакханә һәм рестораннары вәкилләре актив сәүдә методикасы, югары дәрәҗәдә хезмәт күрсәтү асылына төшенәләр, ә такси хезмәткәрләре тарснпорт хәрәкәте чикләнү схемасын өйрәнәләр.

Дәресләр Туризм үсешенә булышлык итү комитеты тарафыннан Туризм буенча ТР Дәүләт комитеты, ТР Туризм үсеше үзәге, ТР Отельләр ассоциациясе, ТР Рестораторлар һәм отельерлар ассоциациясе ярдәмендә оештырыла.

Шулай ук укыгыз

Барлык яңалыклар