Җәмәгать тәртип саклау пунктлары хезмәткәрләре район бердәм хисап үзәкләрендә һәм күпфункцияле үзәкләрдә чиратларны дөрес оештырырга ярдәм итә

Денис Калинкин видеоконференцэлемтә режимында коронавирус инфекциясе таралуга каршы тору буенча штаб утырышы үткәрде.

(Казан шәһәре KZN.RU, 17-нче апрель). Бүген Казан Башкарма комитеты җитәкчесе Денис Калинкин рәислегендә коронавирус инфекциясе таралуга каршы тору штабының көндәлек утырышында Киров һәм Мәскәү районнары башлыгы Сергей Миронов кичә штабта кабул ителгән карар нигезендә Җәмәгать тәртип саклау пунктлары хезмәткәрләре инде ачылган күпфункцияле үзәкләргә һәм Бердәм хисап үзәкләренә чыкты, дип белдерде. Алар социаль дистанцияне үтәп, чиратны дөрес оештырырга ярдәм итә. Аның сүзләренә караганда, бу учреждениеләрдә килүчеләргә тиз арада ориентлашу уңайлырак булсын өчен, тамгалар ясалган.

Илдар Шакиров шулай ук ритейлерларда азык-төлеккә ихтыяҗ кимүен билгеләп үтте. Ә Башкарма комитет җитәкчесенең беренче урынбасары Рөстәм Гафаров балалар бакчаларындагы кизү төркемнәрдә балалар санының тотрыклылануы турында хәбәр итте. Хәзер ул көн саен 800 бала дәрәҗәсендә тора.

Аның сүзләренә караганда, өлкәннәрдән азык-төлек һәм дарулар китерүгә гаризалар саны кимегән. Кичә 82 гариза килгән, шуларның 79-ы үтәлгән. 768 мохтаҗ гаилә (2609 кеше) «Бәхетле» компаниясеннән азык-төлек җыелмалары рәвешендә хәйрия ярдәме алган. Акция башыннан авыр хәлгә тарыган гаиләләргә барлыгы 1444 тартма ташыганнар. Район администрацияләренә ярдәм сорап мөрәҗәгать иткән тагын 190 гаилә KazanExpress компаниясеннән «Игелекктамгалары» алганнар.

Сәламәтлек саклау министры урынбасары - Татарстан Республикасы Сәламәтлек саклау министрлыгының Казан буенча идарәсе башлыгы Владимир Жаворонков коронавирус белән авыруга бәйле хәл турында сөйләде.

Штаб эшендә Башкарма комитет җитәкчесе урынбасарлары, шулай ук район администрацияләре башлыклары катнаша.

Шулай ук укыгыз

Барлык яңалыклар