«Метроэлектротранс» хезмәткәрләре трамвай юлларына язгы тикшерү уздыра

Предприятие хезмәткәрләре рельсларны ремонтлыйлар, юл тягаларын куялар, колеяның киңлеген нормага китерәләр.

Фото: «Метроэлектротранс» МУП матбугат хезмәте

(Казан шәһәре KZN.RU, 12 нче апрель). Казанда «Метроэлектротранс» МУП, җитешсезлекләрне бетереп, трамвай юлларына язгы тикшерү уздыруны дәвам итә.

Узган атнада предприятиенең җир өсте транспорты юл хуҗалыгы хезмәткәрләре рельсларны ремонтладылар, шулай ук Бертуган Касыймовлар, Арбузов урамнары участокларында, «Давыдов урамы» тукталышында тоташу урыннарын эретеп ябыштырдылар һәм шомарттылар. Җылы һава торышы башлану белән юл тягасын урнаштыру дәвам итте – 54 берәмлек урнаштырылды инде.

Туктаусыз хәрәкәт итү һәм пассажирлар ташу куркынычсызлыгын тәэмин итү өчен кисешү, юл һәм юлара электр тоташтыргычларга ревизия ясау дәвам ителә. Бер атна эчендә Ямашев проспекты, Айдаров урамы, көньяк шәһәр эче магистрале участокларында электр тоташтыргычлар эретеп ябыштырылды, дип хәбәр итә «Метроэлектротранс» матбугат хезмәте.

Моннан тыш, хезмәткәрләр юлларны тикшереп чыга һәм, трамвай юллары колеясы киңлеген нормага китереп, җитешсезлекләрне бетерә. Бер атна эчендә Б.Урманче урамыннан «Ф.Әмирхан урамы» тукталышына кадәр 5 нче трамвай маршруты буенча юллар каралган.

Шулай ук укыгыз

Барлык яңалыклар