Казанның Дезинфекция станциясе хезмәткәрләре 299 гектар мәйданда 105 шәһәр сулыгын бизгәккә каршы эшкәрттеләр

Соңгы өч елда йогышлы авыру учаклары барлыкка килү очраклары теркәлмәгән.

Фото: Денис Гордийко

(Казан шәһәре KZN.RU, 28-нче июнь, Алинә Бережная). Казанда шәһәр сулыкларын бизгәккә каршы эшкәртү дәвам итә. Бүгенге көндә Татарстан Республикасында Гигиена һәм эпидемиология үзәге энтомологлары заявкалары буенча Казан дезинфекция станциясе хезмәткәрләре 299 га мәйданда 105 сулыкны эшкәртте. Алар арасында халык ял итә торган урыннар да бар – Казансу, Идел, Кабан күлләре. Казан Мэры Илсур Метшин эшне дәвам итүне йөкләде.

«Йокыга китмәс өчен, йокы бүлмәсендә бер черки җитә. Сулыкларны эшкәртү йогышлы авыру учакларын булдырмас өчен кирәк. Идарәче компанияләр белән бергә бу эшне торак кварталларда дәвам итәргә кирәк», – дип ассызыклады шәһәр башлыгы бүген эшлекле дүшәмбедә.

Административ-техник инспекция идарәсе башлыгы Наил Минвәлиев хәбәр иткәнчә, Казанда озак вакытлы калдыклы препаратларны кулланып эшкәртү үткәрелми, йогышлы авырулар – малярия һәм Көнбатыш Нил бизгәге барлыкка килергә мөмкин булган урыннардан тыш. Соңгы өч елда мондый очраклар теркәлмәде.

Моннан тыш, шәһәрдә ел саен 283 гектар мәйданда яшел зоналарны, паркларны һәм скверларны тиешенчә эшкәртәләр. «25 гектардан артык мәйданда Сабантуй бәйрәмен уздыруның барлык урыннары да өстәмә эшкәртелгән», – дип билгеләп үтте Наил Минвәлиев һәм Татарстан Республикасында Гигиена һәм эпидемиология үзәген тикшерү мәгълүматлары буенча, талпаннарга каршы эшкәртү нәтиҗәлелеге канәгатьләнерлек, дип өстәде.

Агымдагы елның кышында һәм язында, геморрагик бизгәкне профилактикалау максатыннан, шәһәр паркларында, бакчаларда һәм скверларда 1 мең 386 гектар мәйданлы территория дә эшкәртелде. Көз көне тагын 928 га җир эшкәртеләчәк. Моннан тыш, Горки-Әмәт урманында, «Дубрава» паркында һәм Дубравная урамындагы яшел зонада, кимерүчеләргә каршы үткәрелгән эшкәртү нәтиҗәсендә, бу территорияләрдә корткычларның урнашу күрсәткечләре кимеде.