Яңалыклар
28.06.2019, 10:45
«Кояшлы регата», көрәш фестивале һәм үкчәләрдә йөгерү – Казанда бу уикендта ниләр көтелә
KZN.RU порталы шәһәр халкына һәм Казан кунакларына ярдәмгә традицион чаралар афишасын тәкъдим итә.
(Казан шәһәре KZN.RU, 28-нче июнь). Чираттагы эш атнасы ахырына якынлаша. Димәк, киләсе ялларны планлаштырырга вакыт җитте. KZN.RU порталы шәһәр халкына һәм Казан кунакларына ярдәмгә традицион чаралар афишасын тәкъдим итә. Әйтик, шимбә көнен Кремль яр буендагы йогадан яки кроссфиттан башларга мөмкин, аннары Түбән Кабан күленә күчәргә була, биредә «Кояшлы регата» инженер ярышлары узачак. Иске Татар бистәсендә урнашкан ачык мәйданчыкта «Бибинур» фильмын карарга тәкъдим итәбез. Якшәмбе көнне Казанда шулай ук күп чаралар планлаштырылган. Мәсәлән, Горький паркында көрәш фестивале, Горки-Әмәт урманында балалар барахолкасы һәм Кремль яр буенда буяулар фестивале узачак.
«Кояшлы регата»
29-нчы июнь, 10.00 сәгатьтән
Түбән Кабан күлендә беренче тапкыр «Кояшлы регата» инженерлык ярышлары узачак. Илнең 26 төбәгеннән 50-дән артык команда уникаль экологик көймәләрнең тизлекләре һәм маневрлар ясый алулары буенча ярышачак.
Ярышлар Россиядә 2014 елдан бирле үткәрелә. Инженерлык командалары кояш энергиясехисабына хәрәкәт итә торган көймәләрнең тизлеге, маневрлар ясый алуы һәм чыдамлылыгы буенча ярышачак. Моңа кадәр узышлар Мәскәү, Санкт-Петербург, Түбән Новгород, Владивосток, Калининград, Бөек Новгород һәм Грозный шәһәрләрендә узды.
Мәктәп ярышларында җиңүчеләргә 2018 елда гамәлгә куелган күчмә бүләк – «Кояшлы регата» кубогы тапшырылачак.
Ачык һавада кино күрсәтү
29-нчы июнь, 20.30 сәгатьтә
29-нчы июнь көнне Иске Татар бистәсендә ачык һавада кино күрсәтү узачак. Мәрҗани урамында урнашкан сәхнәдә «Печь» рестораны янында «Бибинур» фильмы күрсәтеләчәк. Кино карарга теләгән һәр кеше бушлай тамаша кыла ала.
Кремль яр буендагы уикенд
29-нчы июнь, 8.00 әсгатьтән һәм 30-нчы июнь, 12.00 сәгатьтән
Кремль яр буенда шимбә көн пирста барлык теләүчеләр өчен йога дәресләре башлана. 11.00 сәгатьтә воркаут-мәйданда кроссфит буенча күнегүләр узачак. Кич белән 17.00 сәгатьтә балалар аллеясында яшь казанлыларны «Папа Карло әкиятләре» әдәби кичәсенә көтәләр. Ә 18.00 сәгатьтә традиция буенча яр буе бию атмосферасына чумачак: шәһәрлеләр сәнгать аллеясында - хип-хоп, воркаут янындагы мәйданда - West Coast Swing юнәлешен, ә 20.00 сәгатьтән пирста сальдо һәм бачатны үзләштерәчәкләр.
Якшәмбе көнне 12.00 сәгатьтә сәнгать аллеясында шәһәрлеләрне «Рәсем яса, Казан» проектына кушылырга, ачык һавада рәсем сәнгате буенча бушлай дәресләргә чакыралар. 18.00 сәгатьтә пирста хастл биюләре башланачак, ә 20.00 сәгатьтә – танго.
Көрәш фестивале
30-нчы июнь, 10.00 сәгатьтә
Горький паркында көрәш фестивале узачак. Шәһәр халкын мастер-классларга, Татарстан башкаласының спорт оешмаларыннан күрсәтмә чыгышлар һәм кызыклы конкурсларда көтәләр.
Мәйданчыкта афро-бразилия капоэйресы, япон каратесы, кендо фехтовкалавы һәм кылыч белән фехтовкалау буенча мастер-класслар планлаштырылган. Шулай ук биредә кикбоксинг, джиу-джитсу, балалар өчен ушу, Strong by Zumba һәм Street Fight секцияләрендә катнашырга мөмкин булачак. Моннан тыш, паркта музыкантлар, чирлидерлар һәм бодибилдинг буенча Казан клублары җыелма командасы чыгыш ясаячак. Барлык кунакларны бәйгеләр, призлар уйнату һәм фотосессия көтә.
Көрәш фестивале «Яшел фитнес» проекты кысаларында үткәрелә.
Балалар барахолкасы
30-нчы июнь, 11.00 сәгатьтән
Горки-Әмәт урманында бу сезонда беренче тапкыр балалар барахолкасы узачак. Балалар үзләре кибет киштәләренә баса, бәяләр куя, сатып ала, сата яки бер-берсе белән уенчыклар һәм әйберләр алыша алачаклар.
Чараны оештыра торган Казанның Парклар һәм скверлар дирекциясендә барахолка балаларга акчаны ничек эшләргә кирәклеген күрсәтү, шулай ук йортны кулланылмаган әйберләрдән һәм уенчыклардан бушату мөмкинлеге булуына ышана. Балалар уенчыклар, өстәл уеннары, кием-салым, иҗат өчен махсус җыелмалар һәм башка аксессуарлар алып килә ала. Төп шарт – барлык әйберләр дә чиста һәм яхшы хәлдә булырга тиеш.
Барахолкага керү һәм катнашу бушлай. 11.00 сәгатьтә башлана, очрашу урыны - «Лес» кафесы террасасы.
Үкчәдә йөгерү
30-нчы июнь, 14.00 сәгатьтән
Кремль яр буенда үкчәләрдә йөгерү узачак. Анда катнашучыларга 10-12 см биеклектәге очлы үкчәләрдә билгеле бер аралыкны вакытка узарга тәкъдим ителә.
Ярышның төгәл ераклыгы һәм йөгереш траекториясе катнашучыларга чара башланганчы урында игълан ителәчәк. Җиңүчеләр булып дистанцияне иң кыска вакыт эчендә узган 3 катнашучы танылачак.
Катнашучы сыйфатында теркәү өчен социаль челтәрләрдәге «Кремль яр буе» рәсми төркемендә гариза тутырырга һәм паспорт алып килергә кирәк.
Ярышлар яр буеның үзәк аллеясында 14.00 сәгатьтән 18.00 сәгатькә кадәр узачак.
Санкт-Петербургның «Нарвские заставы»на каршы Казанның «Стрела» регби клубы матчы
30-нчы июнь, 15.00 сәгатьтә
Регби буенча Югары лига чемпионаты кысаларында уен «Тулпар» стадионында узачак. Казанлылар өчен өй матчы 16.00 сәгатьтә «Тулпар» стадионында башлана. Тамашачыларны 15.00 сәгатькә чакыралар, алар өчен күңел ачу программасы әзерләнгән. Матчка керү – бушлай.
Икенчел чимал кабул итү мобиль пункты
30-нчы июнь, 15.00 сәгатьтән
Казанда яшәүчеләр кирәкмәгән әйберләрне, макулатура һәм пластикны икенчел чимал кабул итү мобиль пунктына эшкәртү өчен тапшыра алачаклар. Теләге булган шәһәрлеләр «Велодобро» акциясенә һәм «Хөрмә» хәйрия проектына ярдәм итә алачак.
Активистлар макулатура, «1», «2», «4» тамгасы куелганган пластик шешәләрне, контейнерларны һәм «1», «5», «6» тамгасы куелган пластикадан ясалган башка эшләнмәләрне, «1», «2», «4», «5», «6», «7» тамгасы куелган йомшак пластиканы, пыяла, алюминий һәм калай банкалары, «Тетра пак» төрү материалларын, «Дой пак» төрү материалларын; cd-дискларны һәм аларның тартмалар, пластик карталарны, теш щеткаларын, касса тасмалары втулкасын, кием-салым, аяк киеме, сумкалар, пластик уенчыклар, ноутбук аккумуляторларын, эшләми торган вак техниканы; «Велодобро» проекты өчен капрон колготкилар, «Хөрмә» хәйрия проекты өчен ватык велосипедларны, тукыма, кулчатырлар, ванна өчен һәм экосумка тегәргә шторкалар, акция өчен шешә капкачларын, шулай ук чәчәк түтәлләре өчен пластик чүлмәкләрне, мәче бәдрәфе өчен махсус сеңдергечләрне һәм мәчеләр өчен әзер терлек азыгын кабул итәләр.
Акциядә катнашырга теләүчеләрдән икенчел чималны әзерләү буенча инструкцияне өйрәнү сорала. Шулай ук шәһәр халкы экоактивистларга ярдәм итә һәм проектка волонтерлар сыйфатында кушыла ала. Мобиль пункт эше турында тулырак мәгълүматны социаль челтәрләрдә өйрәнергә була.
Икенчел чимал кабул итү түбәндәге адрес буенча урнашкан сәүдә үзәгендә узачак: Җиңү проспекты, 141; 15.00 сәгатьтән 19.00 сәгатькә кадәр.
Чәчәкләр фестивале
30-нчы июнь, 17.00 сәгатьтә
Кремль яр буенда Colors буяулар фестивале узачак. Бәйрәмгә теләге булган һәркем кушыла ала.
Куркынычсыз һәм экологик чиста буяуны урында сатып алырга мөмкин. Үз буявың, он һәм башка сибелә торган әйберләр белән керү катгый тыелган.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
