София, Ева һәм Әскар Казанда иң популяр исемнәр арасына керде

София, Ева һәм Әскар Казанда иң популяр исемнәр арасына керде

<p> (Казан шәһәре KZN.RU, 23-нче август). Узган атнада, 16 августтан 22 августка кадәр, Казанның Гражданнар хәле актларын теркәү бүлекләрендә 350 бала тууы теркәлгән: 187 малай һәм 163 кыз.<br> </p> <p> Казанның иң яшь анасына 19 яшь булса, иң өлкәненә – 45. Иң яшь әтигә 22 яшь булса, иң өлкәненә – 53. Туган вакытта минималь һәм максималь бала авырлыгы күрсәткечләре – 530 һәм 4730 грамм. </p> <p> Атна дәвамында иң еш кушылган исемнәр: Александр, Әмир, София, Аяз, Әскар, Ева, Асель, Марк, Алисә, Самир, Әминә. Сирәк кушылган исемнәр: Элиза, Марьяна, Софи, Эльман, Рим, Мөслимә, Станислава, Арслан, Ирада. </p> <p> Шушы ук чорда Гражданнар хәле актларын теркәү бүлекләрендә 403 пар никахларын рәсмиләштергән. Иң яшь кияү белән кәләшкә 18 яшь булса, иң өлкәннәренә – 73 һәм 70 яшь, дип хәбәр итә Казанның Гражданнар хәле актларын теркәү идарәсе. </p>

2018-08-23T15:02:00+0300