Сентябрьнең икенче яртысыннан казанлылар “көнчыгыш Гавайя”га оча алачаклар

Казан халыкара аэропортыннан Кытайның Хайкоу шәһәренә чартер рейслар җибәреләчәк.

(Казан шәһәре KZN.RU, 6-нчы сентябрь). 19-нчы сентябрьдә Казан халыкара аэропортында ачылачак яңа рейс Казан туристларына “көнчыгыш Гавайя”га – Кытайның Хайнань утравындагы шәһәр округына очарга мөмкинлек тудырачак. Очулар Казаннан һәр чәршәмбе көнне 9.40 сәгатьтә, Хайкоуга килеп төшү 22.55 сәгатьтә. Кайту ягына самолет 1.30 сәгатьтә очачак, ә Казанда 5.30 сәгатьтә булачак. Истә тотарга кирәк: җәдвәлдә күрсәтелгән сәгатьләр һәр аэропортның җирле вакытына туры килә.

Очулар “ИрАэро” авиакомпаниясенең Boeing 777-200ER 374 пассажир сыйдырышлы самолетларында башкарылачак. Очу вакыты 9 сәгать тәшкил итә, дип хәбәр итә казан һава юлларының матбугат хезмәте.

Шулай ук укыгыз

Барлык яңалыклар