«Милосердие – Казань» хезмәте май аенда мохтаҗларга 2,5 млн сумнан артык ярдәм җибәрде

«Милосердие – Казань» хезмәте май аенда мохтаҗларга 2,5 млн сумнан артык ярдәм җибәрде

<p> Агымдагы елның май аенда Казан епархиясенең «Милосердие – Казань» хезмәте мохтаҗларга 2 516 254 сумлык ярдәм күрсәтте. </p> <p> «Милосердие – Казань» гуманитар үзәге Татарстан башкаласында узган айда 98 үтенүчегә ярдәм итте. Алар арасында – күп балалы гаиләләр, балаларны мөстәкыйль тәрбияләүче әниләр, пенсионерлар. 77 тәрбияләнүчеләргә азык-төлек җыелмалары бирелде. Үзәк хезмәткәрләре мохтаҗларга 197 килограммнан артык күләмдә матди ярдәм күрсәткән. «Мамино гнёздышко» приютына ашату өчен өстәл һәм балалар караваты тапшырылды», – диелә Татарстан митрополиясе сайтында. </p> <p> Узган айда Казан епархиясенең «Утешение» психологик ярдәм хезмәте белгечләре 215 кешегә ярдәм иткән. Психологлар төрле юнәлешләр буенча 31 төркемле дәрес оештырган һәм 52 шәхси консультация үткәргән. </p> <p> «Милосердие – Казань» хезмәте хастаханә һәм социаль учреждениеләрдә ярдәм күрсәтүен дәвам итә, өйдә патронаж үткәрә. 25 патронаж адрес буенча ярдәм итүче 84 хезмәткәр бар. </p> <p> 8-996-900-50-30 телефоны буенча шалтыратып, социаль хезмәт үсешенә өлеш кертергә мөмкин. </p>

2024-06-20T17:07:08+0300