ДЧ-2018 көннәрендә “Казан Арена” стадионы янында чүп җыюның дуаль системасы кертелә

“Соңгы миль” территориясендә төрле чүп өчен 64 контейнер урнаштырылачак.

(Казан шәһәре KZN.RU, 18-нче май, Екатерина Виславская). Футбол буенча 2018 елгы дөнья чкмпионаты кунаклары Казанда чүп җыю буенча дуаль системаны сынап карый алачак. “Казан Арена” стадионы янында “соңгы миль” территориясендә төрле чүп өчен 64 контейнер барлыкка киләчәк.

Чүпне аерып җыю системасын оештыру – FIFA таләбе. Казанда ябыла торган ике төрле контейнерлар каралган. Сары төслеләре алюминий банкалар, кәгазь, картон һәм пластик шешәләр өчен, ә яшел төслеләре бер тапкыр кулланыла торган савыт-саба, азык-төлек калдыклары, чәй, тастымал, төргәкләр һәм пыяла өчен каралган. Барлыгы 64 контейнер урнаштырылачак.

Стадион янында алар матч көннәрендә гөнә торачак. Уеннардан соң контейнерларны алга таба аеру өчен озатылачак. Аннары, чүп фракциясе төренә карап, я эшкәртү өчен, я утилизацияләү өчен җибәрелә. Мәсәлән, пыяла шешәләрне Владимир өлкәсенең Гусь-Хрустальный шәһәрендә көтәләр, ә пластик шешәләр Казан астына җибәреләчәк, дип хәбәр итә ТКХ комитеты.

Шулай ук укыгыз

Барлык яңалыклар