Урицкий исемендәге парктагы күлне аэрацияләү күлне кислород белән баета

Дүрт җайланма ел әйләнәсендә эшләячәк.

(Казан шәһәре KZN.RU, 15-нче гыйнвар, Екатерина Виславская). Урицкий ис.парктагы күлдә урнаштырылган аэрация системасы кышкы периодта үзенең эффектив булуын күрсәтте. Дүрт җайланма ел әйләнәсендә сулыкны кислород белән баетачак.

Искәртергә кирәк, аэрация системасы Урицкий паркын реконструкцияләү эше планына кертелде. Яңартылган яшел зона 2016 елда эшләрнең беренче этабыннан соң ачылды. Сулык төбе чистартылды, ныгытылды, суга төшү юллары төзекләндерелде, күперләр һәм пирс реконструкцияләнде, шулай ук парк территориясен төзекләндерү буенча зур күләмдә эшләр башкарылды. Аерацияләү системасы күлне кислород белән баету өчен куелган һәм ел дәвамында эшли. Ике җайланма каналда урнашкан, тагын икесе – күлдә.

“Кышын сулык боз белән каплана, ә эчтән туңмый, - дип аңлатты парк-менеджер Эдуард Садыйков. – Бу күлнең тулысынча катмавы, ә балыкларга кислород булсын өчен кирәк”.

Шул ук вакытта казанлылар җайланмалар аркасында боз эреп ачылган урын балыкларда гына түгел, үрдәкләрдә дә популырлык казануына игътибар иткәннәр. Алар төркемләп җылы су янына җыелалар.

Искәртергә кирәк, узган җәйдә Урицкий паркын төзекләндерүнең өченче чиратына багышланган проект семинары уздырылды. Шул ук вакытта “Московский” Мәдәният һәм спорт үзәген (элек – Урицкий Мәдәният йорты) капиталь төзекләндерү эшләре бара. Ул күп функцияле мәдәният үзәге булыр, дип фаразлана.

Шулай ук укыгыз

Барлык яңалыклар