Синоптиклар Казанда эссе һава һәм яшенле яңгыр фаразлыйлар

Яшен вакытында җилнең көче 15-20 м/с кадәр артырга мөмкин.

(Казан шәһәре KZN.RU, 16-нчы июль). Киләсе тәүлектә Казанда алмашынучан болытлы һава саклана. Бүген төнлә һәм иртәгә иртән урыны белән кыска вакытлы яшенле яңгыр явачак. Көньяк-көнбатыштан уртача тизлектә җил исәчәк, яшен вакытында җилнең көче 15-20 м/с кадәр артырга мөмкин. Көндез һаваның максималь температурасы +28-30 градус тәшкил итәчәк, төнге температура – +19-21 градус.

Татарстан Республикасы буенча иртәгә кыска вакытлы яңгыр, яшен, вакыты белән 15-20 м/с тизлек белән исүче җил көтелә. Төнлә һаваның минималь температурасы – +16-21 градус, көндез максималь температура – +26-31 градус, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар