Синоптиклар бу атнада Татарстанда кыска вакытлы яңгыр һәм яшен көтелә дип фаразлый

Синоптиклар бу атнада Татарстанда кыска вакытлы яңгыр һәм яшен көтелә дип фаразлый

Бу атнада Татарстанда һава торышы сизелерлек үзгәрмәячәк. Кыска вакытлы яңгырлар һәм яшеннәр, шулай ук төнлә томаннар көтелә. Бу хакта ТР Гидрометүзәгендә хәбәр иттеләр.<br> <br> Казанда 6 августта явым-төшемсез алмашынучан болытлы һава фаразлана. Төнлә һәм иртән урыны белән томан булуы ихтимал. Төнлә һаваның минималь температурасы +15.. +17 градус тәшкил итәчәк. Көндез һава +25.. +27 градуска кадәр җылыначак.<br> <br> Чәршәмбе төнлә Татарстанда явым-төшем ихтималы аз, әмма көндез кыска вакытлы яңгыр явачак, яшенле яңгыр явуы ихтимал. Төнлә температура +12.. +17 градус чикләрендә, көндез +23.. +28 градуска кадәр көтелә.<br> <br> Пәнҗешәмбе көнне республикада яшенле яңгырлар вәгъдә итәләр. Көндез термометр баганалары +22дән +27 градуска кадәр күрсәтәчәк.<br> <br> ТР Гидрометүзәгенең фаразлары буенча, җомга һәм шимбәдә көнбатыш һәм төньяк-көнбатыш агымнары төньяк-көнчыгыш агымнары белән алышыначак, шуның аркасында һава температурасы түбәнәячәк. Көндез синоптиклар +18..+23 градус вәгъдә итә. Шулай ук атмосфера фронтлары якын булу сәбәпле урыны белән яңгыр явачак.<br> <br>

2024-08-05T17:35:00+0300