Синоптиклар казанлыларга көчле җил фаразлый

Вакыты белән бераз яңгыр явачак.

(Казан шәһәре KZN.RU, 27-нче август). 28-нче августта Казанда аязучан болытлы һава көтелә, вакыты белән бераз яңгыр явачак. Җил төньяк-көнбатыштан, төньяктан талгын, урыны белән көчәйгәндә тизлеге 16-21 метрга кадәр җитәчәк. Һава температурасы төнлә - 7-9, көндез - 11-13 градус җылы булачак.

Татарстан буенча тулаем алганда төнге сәгатьләрдә һава температурасы +6-дан +11 градуска кадәр, көндез +10-нан +15 градуска кадәр булачак, дип хәбәр итә ТР Гидрометеорология һәм әйләнә-тирә мохитне мониторинглау идарәсе.

Шулай ук укыгыз

Барлык яңалыклар