Синоптиклар казанлыларга салкын һава һәм көчле җил булачагын җиткерә

Синоптиклар казанлыларга салкын һава һәм көчле җил булачагын җиткерә

<p> (Казан шәһәре KZN.RU, 16-нчы апрель). Синоптиклар Татарстан халкын һава шартларының начараюы турында кисәтә - бүген кич һәм төнлә республика һәм аның башкаласы территориясендә урыны белән төньяк-көнчыгыш җиленең көчәюе көтелә, көчәйгәндә секундына 15-18 метрга кадәр булачак, Казанда - секундына 16 метрга кадәр. </p> <p> Төнлә Казанда һәм Татарстан буенча урыны белән кар явачак. Казанда төнге сәгатьләрдә һава температурасы минус 5-7 градус булачак, Татарстан буенча - минус 3-8 градус арасында. </p> <p> 17-нче апрель көнне көндез алмашынучан болытлы һава көтелә, явым-төшемсез, җил төньяк-көнчыгыштан талгын булачак. Синоптиклар Казанда – 3 градустан 5 градуска кадәр, республика буенча 1 градустан 6 градуска кадәр җылы булачак дип җиткерәләр, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p>

2019-04-16T15:02:12+0300