Синоптиклар казанлыларга салкын яллар фаразлый

Синоптиклар казанлыларга салкын яллар фаразлый

<p> <img width="870" src="https://www.kzn.ru/upload/iblock/bcd/DSC_5330.jpg" height="652"><br> </p> <p> (Казан шәһәре KZN.RU, 7-нче февраль). 8-нче февральдә Казанда аязучан болытлы һава торышы көтелә, төнлә бераз кар явачак. Төньяк-көнбатыштан талгын җил көтелә. Һава температурасы минус 13-15 градус, төнлә аязганда - минус 18 градуска кадәр төшәчәк. Юлларда бозлавык саклана. </p> <p> Тулаем республика буенча шулай ук бераз кар явачак. Төньяк-көнчыгыштан төньяк-көнбатышка таба күчүчән талгын җил исәчәк. Һава температурасы минус 10-15 градус, төнлә һәм иртән аязганда минус 20 градуска кадәр булачак. </p> <p> Якшәмбе, 9-нчы февральдә, республикада һава температурасы минус 18-23 градус, аязган вакытта һәм көнчыгыш районнарда – минус 28 градуска кадәр салкын булачак. Юлларда бозлавык саклана, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p>

2020-02-07T16:43:06+0300