В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
19.07.2019, 10:44
Синоптиклар Татарстан һәм аның башкаласы халкын һава шартларының начарлануы турында кисәтә
Бүген җилнең секундына 15-18 метрга кадәр көчәюе көтелә.
(Казан шәһәре KZN.RU, 19-нчы июль). Синоптиклар һәм коткаручылар Татарстан һәм аның башкаласы халкын һава шартларының начарлануы турында кисәтә. Бүген көн ахырына кадәр Татарстан Республикасы территориясендә һәм Казанда көнбатыш җилнең тиз арада секундына 15-18 метрга кадәр көчәюе көтелә.
Татарстан Республикасы буенча Россия Гадәттән тыш хәлләр министрлыгының баш идарәсе, һава торышы начарайган очракта, урамнарда электр тапшыру линияләре, агачлар, реклама щитлары һәм витриналар янында йөрмәскә киңәш итә. Шулай ук йорт кәрнизләре, реклама стендларыннан ераграк торырга, чыдам булмаган япмалар һәм черегән агач ботаклары астында тормаска киңәш ителә. Җил көчәйгәндә имгәнүләр һәм җәрәхәтләр алмас өчен подъезд яки бинаның подвалына качарга кирәк.
Табигатьтә актив ял итәргә яратучыларга үзләре белән төзек элемтә чаралары, навигация җайланмалары булдырырга киңәш ителә. Күрү мөмкинлеге начарайган очракта, җирлеккә ориентацияне югалтмас өчен махсус чаралар күрү сорала.
Шулай ук укыгыз
-
28.11.2025, 18:03 -
28.11.2025, 17:02 -
28.11.2025, 16:14 -
28.11.2025, 16:02