Синоптиклар казанлыларны яшен турында кисәтәләр

Синоптиклар казанлыларны яшен турында кисәтәләр

<p> (Казан шәһәре KZN.RU, 17-нче май). Синоптиклар казанлыларны 18 майда эсселек, көчле җил һәм яшен турында кисәтәләр.<br> </p> <p> Киләсе тәүлектә алмашынучан болытлы һава булачак. Төнлә Казанда урыны белән кыскавакытлы яңгыр явачак. Көньяк-көнбатыштан 3-8 м/с тизлек белән, урыны белән 12 м/с кадәр тизлек белән җил исәчәк. Һаваның минималь температурасы +12-14 градус тәшкил итәчәк. </p> <p> 18 май көнне көндез һәм кич белән кыска вакытлы яңгыр, яшен булачак. Көньяк-көнбатыштан уртача тизлектә җил исәчәк, яшен вакытында җилнең көче 15-20 м/с кадәр артырга мөмкин. Көндез һава +26-28 градуска кадәр җылыначак. </p> <p> ТР Гидрометеоүзәге кисәткәнчә, 18 майда төнлә һәм көндез республика территориясендә урыны белән яшен буларга мөмкин. Яшен вакытында җил көченең 15-20 м/с кадәр артуы, көндез урыны белән 23 м/с кадәр артуы һәм боз явуы ихтимал. Төнлә һаваның минималь температурасы +7-12 градус, ТР көнбатышында +15 градуска кадәр булачак. Көндез һаваның максималь температурасы +24-29 градус тәшкил итәчәк. </p>

2018-05-17T14:22:16+0300