Синоптиклар казанлыларны юлларда көчле бозлавык турында кисәтә

Республикада урыны белән көчле җил, юеш кар һәм буран көтелә.

(Казан шәһәре KZN.RU, 6-нчы март). Иртәгә, 7 март көнне, Казанда аязучан болытлы һава көтелә. Синоптиклар казанлыларны юлларда көчле бозлавык турында кисәтә. Автомобильчыларны һәм җәяүлеләрне игътибарлы һәм сак булырга чакыралар.

Төнлә Татарстан башкаласында бераз кар көтелә, көнбатыштан талгын җил. Һава температурасы 0 - минус 10-12 градустан түбән булачак, аязган вакытта – минус 14 градуска кадәр. Пәнҗешәмбе көнне көндез шәһәрдә явым-төшемнәр көтелми, көньяк-көнбатыштан талгын җил. Көндез һава температурасы минус 4-6 градустан түбән булачак.

Татарстан буенча 15-15 м/с кадәр көчле җил фаразлана. Төнлә һәм иртән урыны белән кар, юеш кар, урыны белән буран, көндез явым-төшемсез. Төнлә һава температурасы минус 7-12 градуска кадәр, аязган вакытта минус 15 градуска кадәр салкын булачак. Көндез һава температурасы минус 3-8 градус салкын булачак, юлларда шулай ук бозлавык саклана, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар