Синоптиклар казанлыларны тизлеге секундына 21 метрга кадәр җитәчәк көчле җил булачагы хакында кисәтә

Татарстан башкаласында яңгырлы һава торышы саклана.

(Казан шәһәре KZN.RU, 12-нче март). Киләсе тәүлектә Татарстанда һәм аның башкаласында аязучан болытлы һава торышы саклана. Төнлә Казанда явым-төшемсез булачак, көндез урыны белән яңгыр явачак.

Җил көньяк-көнбатыштан талгын булачак, 13-нче мартта көндез урыны белән тизлеге 16-21 метрга кадәр, Татарстан буенча 18-23 метрга кадәр җитәчәк.

Бүген төнлә республикада һава температурасы +1-4 градус, Казанда – 2-дән 4 градуска кадәр җылы булачак. Җомга көнне Татарстанда 4-9 градус, башкалада 6-8 градус җылы булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар