Синоптиклар казанлыларны кыска вакытлы яңгыр һәм яшен турында кисәтә

Татарстанда 14-нче августтан 20-нче августка кадәр урыны белән урманнарның югары янгын куркынычы саклана.

Фото: Денис Гордийко

(Казан шәһәре KZN.RU, 13-нче август). Татарстанда 14-нче августтан 20-нче августка кадәр урманнарда янгын куркынычы югары (IV класс) сакланачак, кайбер районнарда урманнарда гадәттән тыш янгын куркынычы көтелә (V класс).

Синоптиклар фаразлавынча, якын көннәрдә Татарстанда һәм аның башкаласында алмашынучан болытлы һава торышы сакланачак, урыны белән кыска вакытлы яңгыр узачак, төнлә һәм иртән яшен булуы ихтимал. Көньяк-көнчыгыштан төньяк-көнбатышка үзгәрүчән талгын җил, төнлә урыны белән секундына 15-20 метрга кадәр кыска вакытлы көчәю көтелә.

Төнлә республикада +11...+16 градус, көнбатыш районнарда +21 градус, Казанда +16...+18 градус булачак. Шимбә көндез Татарстанда +20-25 градус, көнчыгыш районнарда +27...+32 градус, Казанда +21...+23 градус булыр дип фаразлана.

Якшәмбегә каршы төндә Татарстанда бераз яңгыр явачак, 15-нче август көндез явым-төшемсез булачак. Көньяктан талгын җил. Төнлә минималь температура +12-17 градус, көндез максималь температура +22...+27 градус тәшкил итәчәк, дип хәбәр ителә ТР Гидрометеорология һәм әйләнә-тирә мохитне күзәтү идарәсе сайтында.

Шулай ук укыгыз

Барлык яңалыклар