Синоптиклар Татарстанда бүген төнлә -40 градуска кадәр суыту турында кисәтте

Иртәгә көндез Казанда һава температурасы 17-19 градус салкын булачак.

Фото: Денис Гордийко

(Казан шәһәре KZN.RU, 10 нчы гыйнвар). Татарстан Гидрометеорология үзәге республикада бүген төнлә көчле салкыннар турында кисәтте. Һава температурасы -29-34 градуска, аерым районнарда – 35 градустан -40 градуска кадәр җитәчәк. Иртәгә көндез термометр баганалары минус 16-21 градус күрсәтәчәк, көнчыгышта минус 24 градуска кадәр булачак.

11 нче гыйнварда Казанда алмашынучан болытлы һава торышы көтелә, дип хәбәр итә ТР Гидрометеорология үзәге. Юлларда бозлавык саклана. Көньяк-көнбатыштан уртача тизлектә җил. Төнге сәгатьләрдә 31-33 градус салкын фаразлана, иртәнге сәгатьләрдә – -26-28 градуска кадәр. Көндез синоптиклар -17 градустан -19 градуска кадәр вәгъдә итәләр.

Шулай ук укыгыз

Барлык яңалыклар