Синоптиклар Казанда 29 нчы декабрьдә төнлә һәм көндез буран булачак дип җиткерә

Көндез ТР башкаласында -5-7 градус булыр дип көтелә.

Фото: Денис Гордийко

(Казан шәһәре KZN.RU, 28 нче декабрь). 29 нчы декабрьдә төнлә һәм көндез Татарстан территориясендә, шул исәптән Казан территориясендә, урыны белән буран көтелә, күз күреме 1000 метрга кадәр һәм азрак аралыкта начараячак, көчле кар явачак һәм юлларда кар көртләре барлыкка киләчәк. Бу хакта ТР Гидрометеорология үзәге кисәтә.

Иртәгә Казанда болытлы булачак. Төнлә урыны белән бераз кар, буран һәм -9-11 градуска кадәр суык булачак. Көндез синоптиклар кар, урыны белән көчле кар, аерым районнарда буран вәгъдә итә. Һава температурасы -5-7 градуска кадәр күтәреләчәк.

Җомга, 30 нчы декабрьдә, Татарстанда аязучан болытлы һава торышы булачак. Төнлә кар көтелә, көндез урыны белән шулай ук азрак кар явачак. Төнлә термометр баганалары -7-12 градуска кадәр, аязганда -15 градуска кадәр төшәчәк. Көндез -4-9 градуска кадәр җылы булачак.

Республикада 31 нче декабрь шимбә көнне дә болытлы һава торышы сакланачак. Көндез аерым районнарда буран булырга мөмкин. Төнлә синоптиклар -8-13 градуска кадәр, аязганда -17 градуска кадәр суык булачак дип җиткерә. Көндез һава -3-8 градуска кадәр җылыначак. Юлларда бозлавык барлыкка килергә мөмкин.

Шулай ук укыгыз

Барлык яңалыклар