Синоптиклар бүген кич Казанда яшен һәм көчле җил булачагы турында кисәтте

Татарстанда атна буе яңгыр явачак, температура рекордлары да көтелә

Фото: Марат Мөгыйнов

Бүген кич Татарстанда, шул исәптән Казанда да, яшен һәм көчле җил көтелә. Көньяк-көнбатыштан искән җилнең тизлеге – секундына 15-20 метрны, урыны белән секундына 23 метрны тәшкил итәчәк. Бу хакта ТР Гидрометеоүзәге хәбәр итә.

16 нчы апрельдә синоптиклар Казанда аязучан болытлы һава торышы, аерым районнарда яңгыр һәм яшен вәгъдә итә. Җил көньяк-көнбатыштан секундына 7-12 м тизлек белән исәчәк, урыны белән секундына 15-20 метрга кадәр җитәргә мөмкин. Төнлә һава температурасы +3..+5 градус булачак. Көндез термометр баганалары +12..+14 градус күрсәтәчәк.

Республикада иртәгә яңгырлы һава торышы саклана, җилнең тизлеге – секундына 15-20 метрны, урыны белән секундына 23 метрны тәшкил итәчәк. Кайбер районнарда яшенле яңгырлар булырга мөмкин. Төнлә һава температурасы – +2..+7 градуска, ә көндез +10..+15 градуска кадәр күтәреләчәк.

Чәршәмбе, 17 нче апрельдә, төнлә һәм көннең беренче яртысында явым-төшем көтелми. Тәүлекнең икенче яртысында һәм кич, атмосфера фронты якынлашу сәбәпле, яңгыр кабатланачак. Төнлә һава температурасы +1..+6 градусны тәшкил итәчәк, көндез +16..+21 градуска кадәр җылытачак.

Пәнҗешәмбе, 18 нче апрельдә, яңгыр явачак. Төнлә синоптиклар – +8..+13 градус, көндез +18..+23 градус вәгъдә итә.

Фаразлаулар буенча, җомга, 19 нчы апрельдә, явым-төшем көтелми. Шимбә көнне, 20 нче апрельдә, урыны белән бераз яңгыр явачак. Температура +20..+25 градуска кадәр күтәреләчәк. Бу көннәрдә температура рекордлары күзәтелергә мөмкин.

Шулай ук укыгыз

Барлык яңалыклар