Мария театрының Валерий Гергиев җитәкчелегендәге симфония оркестры Казанда чыгыш ясаячак

Көндезге концертка йогышлы авырулар хастаханәсе табиблары чакырылачак, кич белән коллектив чыгышын шәһәр халкы тыңлаячак.

(Казан шәһәре KZN.RU, 14-нче август). 15-нче августта Казанда Валерий Гергиев җитәкчелегендәге Мария театрының Симфония оркестры концертлары узачак.

Көндез илнең иң яхшы симфония коллективларының берсе Республика клиник йогышлы авырулар хастаханәсе табиблары алдында чыгыш ясаячак. Казан Кремленең Пушечный дворында 19.00 сәгатьтә башлана торган кичке концертны шәһәр халкы һәм кунаклары тыңлый алачак, дип хәбәр итә С.Сәйдәшев исемендәге Дәүләт Зур концертлар залы матбугат хезмәте. Чара Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең барлык санитар-эпидемиологик таләпләрен үтәп оештырылачак.

Чыгыш Бөек Ватан сугышында Җиңүнең 75 еллыгына багышланган гастроль туры кысаларында узачак. Бу гастрольләр - Мәскәү Пасха фестивале традициясен дәвам итү, ул быел коронавирус пандемиясе аркасында үтмәде, - коллектив апрель чыгышлары планлаштырылган төбәкләрнең бер өлешенә барачак.

Валерий Гергиев - Петербург дирижерлык мәктәбенең иң танылган вәкиле. Мария театрының Валерий Гергиев җитәкчелегендәге симфония оркестры яңа дәрәҗәгә чыкты, ул яңа опера һәм балет партитураларын гына түгел, бәлки зур симфония репертуарын да үзләштерде - Бетховен, Брамс, Чайковский, Малер, Сибелиус, Прокофьев, Шостакович симфонияләре, Берлиоз, Брукнер, Римский-Корсаков, Штраус, Скрян, Рахманинов, Стравинский, Мессиан һәм башка күп кенә композиторларның әсәрләрен үзләштерде. Гергиев җитәкчелегендә Мария тетры оркестры эре опера сәхнәләрендә һәм дөньяның иң яхшы концерт залларында чыгыш ясый.

Шулай ук укыгыз

Барлык яңалыклар