В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
27.06.2024, 17:34
Татарстанда ял көннәрендә көчле җил һәм +27 градуска кадәр җылылык көтелә
Бүген төнлә Казанда синоптиклар аязучан болытлы һава торышы вәгъдә итә
Якын көннәрдә Татарстанда явым-төшем күренми. Һаваның максималь температурасы +27 градус тәшкил итәчәк, дип хәбәр итә республиканың Гидрометүзәге.
Казанда бүген төнлә күк ачык һәм явым-төшемсез булачак. Һава температурасы +12..+14 градус тәшкил итәчәк. Көндез — +22..+24 градус.
Шимбә көнне, 29 нчы июньдә, Татарстанда синоптиклар тизлеге 18 м/с кадәр җиткән көчле җил фаразлыйлар. Явым-төшем көтелми. Төнлә һава температурасы +9..+14 градус, көндез — +18..+23 градус.
Якшәмбе, 30 нчы июнь көнне республикада тыныч һәм коры һава торышы фаразлана. Төнлә +8..+13 градус, көндез +22..+27 градуска кадәр җылытачак.
Татарстан Республикасы Гидрометүзәге алдан фаразлаганча, киләсе атна башында эссе, әмма үзгәрүчән һава көтелә. Синоптиклар кыска вакытлы яңгырлар вәгъдә итә, урыны белән яшен булырга мөмкин. Көндез һава +26..+31 градуска кадәр җылыначак.
Шулай ук укыгыз
-
08.08.2025, 17:57 -
08.08.2025, 17:42 -
08.08.2025, 17:31 -
08.08.2025, 16:03